WorldSkills көннәрендә «Казан Арена» янында машиналарны калдыру тыела

 

WorldSkills стандартлары буенча эшче һөнәрләр чемпионатын ачу һәм ябу тантаналары узган көнне «Казан Арена» стадионы янында шәхси машиналарны калдырып булмаячак. Шулай ук бу чикләүләр Нигъмәтуллин һәм Адоратский урамнарына, Чистай урамындагы өстәмә юлларга да кагыла.

Бу урамнарда хәрәкәт тыелганын күрсәткән юл билгеләре урнаштырыла. Казанның Башкарма комитеты автомобиль хуҗаларына юл билгеләренә, мәгълүмати күрсәткечләргә игътибар итәргә киңәш итә.

Чемпионат узган көннәрдә казанлылар һәм башкала кунаклары машиналарын «Казан Арена»га якын парковкаларда калдыра ала. Мәсәлән, «Леруа Мерлен»,  «XL», «Мегастрой», «Ривьера» сәүдә үзәкләре, «Ак барс» көрәш сарае янында һәм «Татнефть Арена» паркингында. «Кәҗә бистәсе» метро станциясеннән «XL» сәүдә үзәгенә кадәр 16.00-24.00 сәгатьләрдә һәр 5 минут саен бушлай «шаттллар» йөреп торачак.

Чемпионатны ачу һәм ябу тантаналары үткәрелгән көннәрдә Казанда 14 юл участогында хәрәкәт ябылачагыхәбәр ителгән иде инде.

Эш режимы күрсәтелгән җәмәгать транспортлары маршрутлары, хәрәкәт итүче составның саны һәм хәрәкәт аралыгы турында мәгълүмат kazantransport.ru сайтында һәм “Яндекс.Транспорт” кушымтасында урнаштырылган.

Чыганак:Татар-информ

 

Добавить комментарий

Ваш e-mail не будет опубликован. Обязательные поля помечены *

Без социаль челтәрләрдә

Instagram