Путин Бөек Ватан сугышы ветераннарына пенсия арттыру турында законны имзалады

 

 

Россия Президенты Владимир Путин Бөек Ватан сугышы ветераннарына пенсияләрне арттыруны күздә тоткан законга кул куйды. Тиешле документ хокукый мәгълүмат рәсми интернет-порталында урнаштырылган.

Яңалык ветераннарның кайбер категорияләре өчен элек гамәлдә булган чикләүне бетерә. Аның нигезендә пенсия исәпләп чыгарганда хәрби хезмәткәрләрне акчалата тәэмин итү тулы күләмдә исәпкә алынмый (хәзерге вакытта коэффициент 72,2 процент тәшкил итә).

Сүз гамәлдәге армия составында хәрби хәрәкәтләрдә катнашкан фронтовиклар, «Ленинградны саклаган өчен» медале белән бүләкләнүчеләр һәм сугыш вакытында яралану, контузия яки имгәнү нәтиҗәсендә балачактан инвалид булган кешеләр турында бара.

РИА Новости мәгълүматлары буенча, түләүләр аена уртача 9,5 мең сумга артырга тиеш. Закон кул куелган көннән үз көченә керә.

  • «Татар-информ» мәгълүмат агентлыгы элек Татарстанда Җиңү көненә 1481 ветеран акчалата яңа түләү алырга тиеш, дип хәбәр иткән иде.

Чыганак:Татар-информ

 

Добавить комментарий

Ваш e-mail не будет опубликован. Обязательные поля помечены *

Инстаграм

[instagram-feed]

Без социаль челтәрләрдә

Instagram