Язгы ташу вакытында Татарстанның тугыз районына су басу куркынычы яный

 

Николай Суржко Кубня һәм Кече Чирмешән елгаларында су күләменең күп булуын әйтте. “Бу елгалар Кайбыч, Яшел Үзән, Яңа Чишмә, Чистай, Аксубай, Алексеевск, Әлки һәм Нурлат муниципаль районнары территориясенннән уза. Хәзерге вакытта аларда су күләме нормадан 0,2-0,5 метрга артык”, — диде ул.

Николай Суржко әйтүенчә, язгы ташу вакытында су басарга мөмкин булган зоналар күзәтү астына алынган. “Буа, Лаеш, Питрәч, Теләче, Саба, Кукмара, Арча, Биектау, Мамадыш муниципаль районнары, Казан шәһәре территориясендә һәм Мишә, Казансу елгаларында суның шактый булуы күзәтелә. Вазгыять җиңелләрдән түгел, әмма ул контрольдә”, — диде ул.

Николай Суржко хәбәр итүенчә, хәзерге вакытта Минзәлә районында Минзәлә елгасы аша салынган һәм Нурлат районының Үрнәк авылы янындагы Олы Чирмешән елгасы аша узучы күперләрне төзекләндерү тәлап ителә. Шулай ук Арча муниципаль районының Кәче авылында урнашкан күперне төзекләндерергә кирәк.

Республика территориясендә 831 гидротехник корылма исәпләнә, шуларның 174 ремонт таләп итә. “Гидротехник корылмалар ремонты буенча эш федераль һәм республика максатчан программалары хисабына планлы рәвештә дәвам итә”, — дип әйтте Николай Суржко.

Чыганак:Татар-информ

 

Добавить комментарий

Ваш e-mail не будет опубликован. Обязательные поля помечены *

Без социаль челтәрләрдә

Instagram