Ел башыннан Татарстанда законсыз урман кисүнең 16 факты ачыкланган

 

Ел башыннан Татарстанда законсыз урман кисүнең 16 факты ачыкланган. Бу турыда Татарстан Министрлар Кабинетында брифингта  республика урман хуҗалыгы министры Равил Кузюров хәбәр итте.

«Ел башыннан 16 материал төзелгән. Алар законсыз урман кисү факты буенча тикшерү хокук бозучыларны җаваплылыкка тарту өчен тиешле органнарына җибәрелгән. Мисал өчен, кече яки урта бизнес аукцион диләнкәсен сатып ала һәм үзләштерә башлый. Ул хокук боза, урманчы аны белеп ала, җәзасын бирә», – дип сөйләде спикер.

Санитар кисүләрсез булмый, чөнки урманнарны чистартырга һәм яңа агачлар утыртырга кирәк, диде министр.

«Санитар кисүләр сәламәт агачларны теге яки бу авырудан зыян күргәннәрдән арындыру өчен эшләнелә. Әгәр бу эшне башкармасак, сәламәт агачлар булмый. Кайвакыт безнең адреска билгеле территориядә  агачларны законлы кисәләрме яки юкмы, дип мөрәҗәгать итәләр. Законсыз кисү очракларын ачыклыйбыз һәм хокук бозучыларга җәзасын бирегә тырышабыз», – диде Равиль Кузюров.

Быел Татарстанда 2 мең 379 гектар мәйданда урманнарны торгызу эшләре үткәрелгән. Шул исәптән 1,8 мең гектар мәйданга яшь агачлар утыртылган. Бу турыда бүген Татарстан Министрлар Кабинетында брифингта республика урман хуҗалыгы министры Равил Кузюров хәбәр итте.

«Урманчылар югары продуктлыкка ия үсентеләр формалашсын өчен, 5 мең 570 гектар мәйданда яшь үсентеләрне чабу эшләре башкарылган», – диде спикер. Ул шулай ук 1 мең 813 гектарда туфракны эрозиядән саклаучы урман үсентеләре утыртылганын җиткерде.

«Бүгеннән 2019 ел урман сезоны турында уйлыйбыз. Хәзер киләсе елга урман культуралары өчен туфрак әзерләү эшләре башланды. Көз ахырына кадәр 1,5 мең чамасы гектарда бу эш башкарылачак», – диде министр.

 

Чыганак:Татар-информ

Добавить комментарий

Ваш e-mail не будет опубликован. Обязательные поля помечены *

Без социаль челтәрләрдә

Instagram