Кеше йөзен танучы видеокамераларны ике ай эчендә Казанда һәм Әлмәттә куячаклар

 

 

Видеокүзәтү интеллектуаль системасын гамәлгә кую буенча пилот проектын якындагы ике ай эчендә Казанда һәм Әлмәттә эшләтеп җибәрәчәкләр. Бу хакта журналистларга Татарстанның мәгълүматлаштыру һәм элемтә министры Роман Шәйхетдинов әйтте.

“Күптән түгел генә Кытайга эшлекле сәфәр булды. Без дә шулай ук сыек кристаллардан торган панельләр һәм, гомумән, күзәтү системалары җитештерү буенча экспертизаны үзебездә булдырыр идек, бу киләчәк дигән сүз. Икенчесе – видеокүзәтүләр белән бәйле системалар. Сөйләшүләр бара, без Кытайдан кунаклар көтәбез”, — диде Шәйхетдинов.

Бүгенге көндә пилот проектын эшләтү турында сүз бара, дип өстәде министр.

“Төп бурыч – Кытай коллегалары экспертизасын файдаланып, куркынычсызлык өлкәсендә тәкъдимнәр кертү, шул ук вакытта продуктны Татарстанныкы итү”, — диде Шәйхетдинов.

Министр пилот проектын Татарстанның ике шәһәрендә эшләтеп җибәрү планлаштырылуын өстәп әйтте.

Чыганак:Татар-информ

Добавить комментарий

Ваш e-mail не будет опубликован. Обязательные поля помечены *

Без социаль челтәрләрдә

Instagram