Владимир Путин минималь хезмәт хакын арттыру турындагы канун проектын әзерләргә боерды

Россия Президенты Владимир Путин Хөкүмәткә 10 октябрьгә кадәр Дәүләт Думасына минималь хезмәт хакын эшкә яраклы халыкның яшәү минимумы дәрәҗәсенә кадәр күтәрү турындагы канун проектын кертергә боерды.

Тиешле документ Кремль сайтында урнаштырылган, дип яза “Известия”.

Минималь хезмәт хакын күтәрү, Президент күрсәтмәсе буенча, ике этапта узарга тиеш: 2018 елның 1 гыйнварыннан – 85 процентка кадәр һәм 2019 елның 1 гыйнварыннан башлап – яшәү минимумының 100 процентына кадәр.

Йөкләмәнең үтәлеше өчен Россия Премьер-министры Дмитрий Медведев җаваплы итеп билгеләнгән.

Чыганак:Татар-информ

Добавить комментарий

Ваш e-mail не будет опубликован. Обязательные поля помечены *

Без социаль челтәрләрдә

Instagram